كيف تشتري بطاقة بلايستيشن ستور بالأردن وأي منطقة تختار

دليل شراء بطاقات PSN بالأردن: ليش لازم منطقة البطاقة تطابق حسابك، كيف تعرف منطقة حسابك، أرخص المناطق، وأسعار كل الفئات بالدينار.

القاعدة الأهم: منطقة البطاقة لازم تطابق منطقة حسابك

بطاقة بلايستيشن ستور (PSN) بتنشحن بس على حساب من نفس المنطقة. بطاقة أمريكية للحساب الأمريكي، سعودية للحساب السعودي، إماراتية للإماراتي، وهكذا. إذا حاولت تشحن بطاقة على حساب من منطقة ثانية بيطلعلك إن الكود غير صالح، والكود ما بينفع يرجع بعد ما ينكشف.

منطقة الحساب بتنحدد مرة وحدة لما تعمله، وما بتتغير. فقبل ما تشتري، اعرف منطقة حسابك.

كيف تعرف منطقة حسابك

على PS5: الإعدادات ← المستخدمون والحسابات ← الحساب ← معلومات الملف الشخصي، وشوف "البلد/المنطقة". أو افتح متجر بلايستيشن وشوف العملة: الدولار يعني حساب أمريكي غالباً، والريال السعودي يعني سعودي، والدرهم يعني إماراتي.

إذا مش متأكد، ابعتلنا صورة من المتجر على واتساب قبل ما تطلب ومنحكيلك أي بطاقة بتنفعك.

أي منطقة أرخص؟

إذا عندك حساب، فالبطاقة الصح هي بطاقة منطقة حسابك، مهما كان سعرها. أما إذا رح تعمل حساب جديد، فأسعار الألعاب بتختلف كثير بين المناطق. منقارن أسعار الألعاب بين كل المناطق كل يوم، وبنبيع ألعاب بلايستيشن على حسابات جاهزة من أرخص منطقة، فغالباً بتطلع أرخص من شراء بطاقة وشراء اللعبة بنفسك.

كيف تشتري من FGG Store

1) اختار بطاقة منطقة حسابك والفئة. 2) ادفع بكليك CliQ على الاسم المستعار FGGSTORE، أو كاش عند الاستلام. 3) الكود بيوصلك فوراً على واتساب والإيميل، وبيضل محفوظ بحسابك على الموقع. 4) اشحنه من المتجر ← استرداد الرموز.

بطاقات بلاي ستيشن

أسئلة شائعة

كل البطاقات · ألعاب بلايستيشن · كيف تدفع بكليك